![康樂及文化事務署 康樂及文化事務署](/common/coresite/images/banner_tc_resp.png)
हङकङ सार्वजनिक पुस्तकालयहरूले स्थिर पुस्तकालयहरू, मोबाइल पुस्तकालयहरू र स्वयं-सेवा पुस्तकालय स्टेशनहरूको नेटवर्क प्रदान गर्दछ। यी सबै हङकङको इलाकामा समान रूपमा फैलिएका छन् र सबै उमेर समूह र जीवनका मानिसहरूका लागि पुस्तकालय सेवाहरूको विस्तृत दायरामा सुविधाजनक पहुँच प्रदान गर्न एक एकीकृत स्वचालित पुस्तकालय प्रणालीद्वारा एक-आपसमा जोडिएका छन्। पुस्तकालय संग्रहमा पुस्तकहरू, श्रव्य-दृश्य सामग्रीहरू, पत्रपत्रिकाहरू, पत्रिकाहरू, CD-ROM डाटाबेसहरू, माइक्रोफार्महरू, नक्साहरू र इलेक्ट्रोनिक स्रोतहरू समावेश छन्। यी मध्ये केही पुस्तकालय सामग्रीहरू उधारो लिन सकिन्छ जबकि अन्य पुस्तकालयहरूमा प्रयोगको लागि हो।
तपाईंले अंग्रेजी, परम्परागत चिनियाँ वा सरलीकृत चिनियाँमा निम्न जानकारीको बारेमा पूर्ण सामग्री पहुँच गर्न सक्नुहुन्छ:
पुस्तकालय सेवा
https://www.hkpl.gov.hk/en/index.html
पुस्तकालयहरूको स्थान र खुल्ने समय
https://www.hkpl.gov.hk/en/locations/libraries.html
हङकङ सार्वजनिक पुस्तकालयहरूद्वारा जारी गरिएको वैध पुस्तकालय कार्डहरू, पुस्तकालय प्रयोजनका लागि अनुमति दिइएको परिचय पत्र, वा दुई भूतपूर्व नगर परिषद् सार्वजनिक पुस्तकालयहरूद्वारा जारी गरिएको पुस्तकालय कार्ड/उधारकर्ता कार्डहरूका धारकहरूले कुनै पनि सार्वजनिक पुस्तकालय र स्वयं सेवा पुस्तकालय स्टेशनहरूमा पुस्तकालय सामग्रीहरू उधारो लिन र फिर्ता गर्न सक्छन्। पुस्तकालय सामग्री फिर्ता गर्न पाठकहरूलाई हङकङ सार्वजनिक पुस्तकालयहरूको पुस्तक ड्रप सेवा प्रयोग गर्न पनि सकिन्छ। पुस्तकालय कार्ड उधारो वा स्थानान्तरण गर्न हुँदैन।
प्रत्येक दर्ता पाठकले पुस्तकालय सामग्रीहरू सँगै जडित पुस्तकालय सामग्रीहरू, वा पेरिओदिकल्सहरूको ब्याक इस्युहरू उधारो लिन सक्छन्। उधारोको लागि पुस्तकालय सामग्री तोकिएको अवधिको लागि उधारो लिन सकिन्छ। प्रत्येक वस्तु र जडित पुस्तकालय सामग्री ढिलो फिर्ता गरेमा निश्चित शुल्कमा अतिदेय जरिवाना लगाइन्छ।
यदि उधारोमा लिएको कुनै पुस्तकालय सामग्री हराए वा क्षति भयो भने, उधारकर्ताले क्षति भएको पुस्तकालय सामग्रीको पूर्ण सेट वा पुस्तकालय सामग्रीको भाग प्रतिस्थापन गर्न पुस्तकालयले आवश्यक ठानेको रकम सरकारलाई तिराउन उत्तरदायी हुनेछ। साथै, उधारकर्ताले त्यस्तो रकमको तोकिएको प्रतिशत रकमको अधिभार तिर्न आवश्यक हुन सक्छ।
प्रत्येक दर्ता पाठकले प्रत्येक वस्तुको लागि (वा सङ्कलनको समयमा प्रचलित मान्य रिजर्भेसन शुल्क) को लागि निश्चित शुल्कमा पुस्तकालय सामग्रीहरू आरक्षित गर्न सक्छन्। वस्तु सङ्कलन गरे वा नगरे पनि एक पटक वस्तु सफलतापूर्वक आरक्षित भएपछि, रिजर्भेसन गर्ने पाठकले रिजर्भेसन शुल्क तिर्न आवश्यक हुन्छ।
तपाईंले उधारो सेवाको बारेमा अंग्रेजी, परम्परागत चिनियाँ वा सरलीकृत चिनियाँमा पूर्ण सामग्री पहुँच गर्न सक्नुहुन्छ: https://www.hkpl.gov.hk/en/about-us/services/lending/library-materials.html
हङकङ सार्वजनिक पुस्तकालयहरूमा पुस्तकहरु, गैर-मुद्रित सामग्रीहरू जस्तै श्रव्य-दृश्य सामग्री र ई-पुस्तकहरूको विस्तृत संग्रह छ। यसबाहेक, हङकङ सार्वजनिक पुस्तकालयहरूले विभिन्न ई-डेटाबेसहरू र पत्रपत्रिकाहरू सदस्यता पनि लिएको हुन्छ। केहि ई-डेटाबेसहरू इन्टरनेट मार्फत पुस्तकालय कार्ड धारकहरू द्वारा टाढाको पहुँचको लागि उपलब्ध छन्।
पत्रपत्रिका र पेरिओदिकल्सहरू मुख्यतया चिनियाँ र अङ्ग्रेजी भाषामा हुने भएतापनि हङकङका सार्वजनिक पुस्तकालयहरूले नेपाली, बहासा इन्डोनेसिया, हिन्दी, उर्दू, तागालोग र थाईलगायत अन्य धेरै भाषाका पत्रपत्रिका र पेरिओदिकल्सहरूको सदस्यता लिएका हुन्छन्, जसले गर्दा विभिन्न जातिका पाठकहरूलाई वर्तमान आर्थिक मुद्दा र मनोरन्जन सम्बन्धी नवीनतम जानकारी उपलब्ध हुने गर्दछ। त्यस्ता पत्रपत्रिकाहरू र पत्रिकाहरू प्रायः हङकङ केन्द्रीय पुस्तकालय र केही प्रमुख वा जिल्ला पुस्तकालयहरूमा राखिन्छन्।
गैर-चिनियाँ भाषी विद्यार्थीहरूलाई उनीहरूको दोस्रो वा तेस्रो भाषाको रूपमा चिनियाँ भाषा सिक्न सहज बनाउन र सामान्य स्थानीय अभिव्यक्तिहरू मास्टर गर्नका लागि हङकङ सार्वजनिक पुस्तकालयहरूले सरल चिनियाँ भाषामा लेखिएका पुस्तकहरू, साथै सान्दर्भिक द्विभाषी पाठकहरू र भाषा सिकाउने किटहरू पनि उपलब्ध गराउँदछ जसले अतिरिक्त पढाइको माध्यमबाट, यसरी क्रमशः पढ्ने, लेख्ने, सुन्ने र बोल्ने चार पक्षहरूमा आफ्नो क्षमताहरू बलियो बनाउँदछ ।
तपाईं अङ्ग्रेजी, परम्परागत चिनियाँ वा सरलीकृत चिनियाँमा पुस्तकालय सङ्ग्रहहरूको बारेमा पूर्ण सामग्री पहुँच गर्न सक्नुहुन्छ: https://www.hkpl.gov.hk/en/about-us/collection-develop/collections.html
हङकङ सार्वजनिक पुस्तकालयहरूले कम्प्युटर सुविधाहरू प्रदान गर्दछ जसले जनतालाई मल्टिमिडिया र डिजिटलाइज्ड स्रोतहरू, पुस्तकालय सूची, ई-पुस्तकहरू, र अनलाइन डाटाबेसहरू पहुँच गर्न र इन्टरनेट ब्राउज गर्न सक्षम गर्दछ। सामान्यतया प्रयोग हुने सफ्टवेयर जस्तै माइक्रोसफ्ट अफिस सुइट, वर्ड प्रोसेसिङ, स्प्रेडसिट, डाटाबेस, र प्रस्तुतीकरणका लागि एप्लिकेसनहरू, साथै वेब अथरिङ, फोटो सम्पादन, रेखाचित्र र ग्राफिक डिजाइनका लागि एडोब डेस्कटप एपहरू सहितको एप्लिकेसन सफ्टवेयर केही कम्प्युटरहरूमा उपलब्ध गराइएको छ। योग्य प्रयोगकर्ताहरूले कम्प्युटर सुविधाहरू प्रयोग गर्न अग्रिम बुकिङ गर्न सक्छन्।
तपाइँ अङ्ग्रेजी, परम्परागत चिनियाँ वा सरलीकृत चिनियाँ भाषामा कम्प्युटर सुविधाहरूको बारेमा पूर्ण सामग्री पहुँच गर्न सक्नुहुन्छ: https://www.hkpl.gov.hk/en/about-us/services/computer/computer-centre-area.html
विस्तार गतिविधिहरू पुस्तकालय सेवाहरूको अभिन्न अंग हो। पुस्तकालयमा वर्षैभर हुने पठन कार्यक्रम, बालबालिकाका लागि कथा कथन, पुस्तक प्रदर्शनी, प्रदर्शनी र विषयवस्तुहरू जस्ता शैक्षिक र मनोरञ्जनात्मक कार्यक्रमहरूले पुस्तकालय सुविधाहरूको प्रयोगलाई प्रवर्द्धन गर्न, जीवनभर पढ्ने बानी जगाउन र अप-टु-डेट जानकारीमा निःशुल्क पहुँचको महत्त्व सम्बन्धी जनमानसको प्रशंसा बढाउन योगदान पुर्याउँछ। पुस्तकालयहरूले हङकङमा साहित्यिक कलाको प्रवर्द्धनमा पनि सक्रिय भूमिका खेल्छन्। साहित्य पुरस्कार र प्रतियोगिताहरू, र साहित्यिक गतिविधिहरूको एक विस्तृत श्रृंखला नियमित रूपमा आयोजित गरिन्छ।
तपाईं विस्तार गतिविधिहरू बारे अंग्रेजी, परम्परागत चिनियाँ वा सरलीकृत चिनियाँमा पूर्ण सामग्री पहुँच गर्न सक्नुहुन्छ: https://www.hkpl.gov.hk/en/extension-activities/highlights/this-week